SPORTELLO LINGUISTICO DI SPEZZAN

PAPASI MARTIN BARBATI (1598-1619)

Kapelan e Vikar i Spixanës, i pari Pastor çë gjëndet i shkruajtur tek Arkivi i Qishës së Shën Pjetrit. Zoti Martin kish martuar Zonjën Vjena Llanxa nga e cila pat pakund bilë. Ndë mes të këtyre mbahen mend Djanora (1598), Kostandini (1601), Gjergji (1604), Dhimitri (1605 i vdekur te të parin e Vjeshtit 1606), Vasili (1608 i vdekur kur kish 45 vjeçi), Bebela (1609), Krexja (1612), Teodhori e Sofia. Mund jet se këta dy të lurtmra u kishën ler më parë se viti 1598.

PAPASI PJETËR NDON LLANXA (1620-1624)

Te fjevari i vitit 1620 Zoti Ndon u bë kryetar shpirtror i Komunitetit tonë. Të gjellës e tij dimi pak pse misjona e tij si Pastor rroj vetëm pesë vjet, për këtë ndë vitin 1625 "nëng ë më ndë mest të ngjallrat". I martuar me Vitorjen Rribeko nëng dihet me sigurì ndëç pat bilë.

PAPASI KARLL BASTA (1625-1647)

Janë pakund e shumë të mbrulartura lajmet çë rrëfihen për atë. Ish i biri, kushedì, i Komisarit Xhenerall e Kontit i Perandorìsë Rromane së Shënjt, Gjergj Basta, Zoti Karll u le, pa ëhojo, Spixanë rreth vitit 1586. Zu karrjerën e tij si prift ndë vitin 1614, ndërsa ndë vitin 1617 tek aktet e pakëzimit gjëmi shkruajtur se thrritet kapellan. Kish martuar Zonjën Martina Maneze ka Ungra me të cilën pat tre bilë: Gjergji, Nikolò e Kozmi. Të Gjergjit kemi pak lajme, Nikolò qe i lurtmi arçiprift i ritit bixandin Spixanë, ndërsa Kozmi, i llaureartur si "jatrua fizik", bëri jatroin.

PAPASI MARCJO REBEKU (1647-1662)

U le ndë vitin 1592 ka Zoti Xheronim e Zonja Granata Serako. Me Zotin Marcjo zun "Llivret e të Vdekuravet" te të cilat janë pakund lajmet çë fjasën për katudin tonë. Te këta llivre fjitet për qishën e Kostandinobollit e e Shën Janjit si vende ku vëhshin nën dhe të vdekurat. Pas vdekjes e Zonjës Xhovana Stafa ditën 28 e Prillit 1661 i vdes puru i vetmi bir çë kish Djegu. Helmi për këta ndodhje qe keq i madh për të çë pas pak mot edhe ai u hip mbë qiell.

PAPASI NIKOLL BASTA (1662-1666)

Historia e fëmilës së tij zë me pikëpiejtjen për sa herë ish i martuar; për këtë ndë vitin 1639 dihet se ish i shoqi e Dhomenikës Burneta, ndërsa ndë vitin 1643 figuron si i shoqi i Xhovanës Llanxa, kushedi e bila e arçipriftit Pjetër Llanxa. Qe i bën prift ndë vitin 1645 e pat jo pak bilë: Karlli çë vdiq kur kish vetëm gjasht vjeçi ditën 21 e Marcit 1649, Xhulija e vdekur ndë vitin 1650 e njeter Xhulije çë vdiq kur kish vetëm 2 vjeçi ditën 4 e vjeshtit 1656. Pas vdekjes e tij mbullihet llista e priftravet grekë të Spixanës.

ARÇIPRIFTRAT LËTINJË (1668 - 1952)

ZOTI VIÇENX MANJOKAVALLI (1668 - 1675)

U le ditën 14 e Prillit 1635 e vdiq ditën 14 e Theristit 1688 kur kish 53 vjeçi. Ndë vitin 1668 zu karrjera e tij si prift ma pas pak mot ëmri i tij spirirën ka arkivet e rexhistrevet të qishës.

ZOTI MARK NDON BRUNETI (1677 - 1680)

Ai qe i kështeu të cilit i ngau të vënej nën dhe të lurtmrat piftra e ritit bixandin. Xhusep Anxhull Noçiti na leu shkruajtur se ai ish " ... i biri i Frangjisk Brunetit e i Frangjiskë Bellushijes". Frangjisk Bruneti ish i biri i Zotit Sallvatur Bruneti e i Katrin Kuçjes.

ZOTI MARTIN LUÇI (1681 - 1688)

Ndë vitin 1681 vjen i ëmruar arçiprift ka Ordinari i Rrusanës e shurbeu për katundin e Spixanës njer vitin 1688.

ZOTI KARLL RRAGONA (1709 - 1727)

Rroi te një epokë me shumë ndërrime. Një epokë në të cilën priftrat kish t' ishën të pastërta e shumë të devotshëm ndaj qishës. Kjo ashpërsi binej edhe përsipër popullit: gjindjat çë nëng pendohshin ishën të liera pa një varrim ekllezjastik. Te ky periodh vjen e stolisur qisha e Shën Pjetrit e Paolit e kremtohet Shën Frangjisk Saveri, një festë kjo shumë e tëndirtur ahirna ka gjith katundi. Zoti Karll qe krijuesi i këtij ndërrimi por ndë vitin 1727 vdes, kur ish' e kremtohej festa e Makullatës (8 shëndre 1727).

ZOTI PARIZJO REBEKO (1728 - 1756)

I ëmruar arçiprift ndë vitin 1728 kur kish 35 vjeçi, Zoti Parizjo qe një i kështe me shumë kulturë. Qe shumë i dashur ka kleri e ka populli ç' e ndihu te mumendet më të rënda, si kur qe ethja e ligë të vitit 1744. Kur bëri 70 vjeçi, pjot me njohje ekllezjastike, leu këtë dhe ndë vitin 1763.

ZOTI FRANGJISK MARIA DORSA (1760 - 1763)

U le ditën 27 e Majit 1718 ka Marçello Dorsa e Domenika Manjokavallo, qe i pakëzuar ka Zoti Karll Dorsa. Arçipriftria e tij rroi vet tre vjet pse ndë 25 e llonarit të vitit 1763 vdes e vjen i subllirtur te kapela e Purgatorit.

ZOTI ANDON FRONXINI (1763 - 1803)

U le ditën 24 e shëndreut të vitit 1723, gjatë ëmrimit parrokjall e tij, ëmri "Madonna di Spetiano" ndërron e merr ëmrin "Shën Mëria e Graxjes". Tue bën shurbimin e tij ai ish shum i urtë aq se shkruanej kushdo lehej vit për vit, por megjithëse ish kështu i urtë, vjen i gjërtuar ka kryetarët e tij të cilët i pyenjën të shkruanej te dokumendet ëmrin e kumbarit të djalit çë lehej. Më par të vdis ditën 25 e llonarit 1804, zgjodh të mos bënej më priftin pse ish shumë pjak.

ZOTI VIÇENX MARIA KUÇI (1805 - 1842)

U le ditën 17 e Shën Mitrit 1778 ka jatroi zoti Gajtan e zonja Roza Putari, qe i pakëzuar ka Zoti Andon Fronxino e i dhan ëmrat Vinçenx, Maria, Pietro, Frangjisk. Qe një burr me shumë kulturë, njih mirë gjuhët e letersinë e vjetër e shkruanej edhe grek. Ndë vitin 1805 hyn e bën priftin Spixanë. Ai nëng u dha vetëm me ndodhjet fetare, por shkruanej llatin gjithë shurbiset çë suçdhirjën: terramotet, epidhemit, të shkuarit e Rregjravet, rrivolucjonat, proçeset etj... Trupi i të vdekurit qe i stisur nguqa hyrjes e qishës së Shën Pjetrit.

ZOTI FARDINAND GUALANONI "SENIOR" (1845 - 1852)

I kështe çë muar pak pjesë te jeta e katundit, megjithëse ndodhjet shoq-politike nëng manguan. Na sosën të pënxarmi vitin 1848, viti i rrivolucjonës e i ndërrimit të madh për gjithë katundin. Qe një i kështe aq apatik çë nëng dha mosnjerin gjikim kur gjindiat u ngrien kundër vendosjën e të subllirturit e vdekuravet te kambsandi. Lidhjet e tij me gjindjat ishën formal e pak interes pat ka gjindjat ditën çë vdiq.

ZOTI PAOLO NOÇITI (1852 - 1871)

U le ndë vitin 1799 ka Andon e Xhulija Stafa e qe një prift shum i dashur, i lidhur fort e me qishën e me atdheun. Ndihu gjindjat të përshkojën vështirësit e të shkuarit ka periodhi i Borbonravet njer tek ai i Bashkisë së Itallijes. Shumë altruist me gjindjat, rrëfihet se mbjidhej mbë shpi nga herë me gjë ç' i mangonej. Një ditë u mbjodh edhe pa këpucë pse ja kish dhën një lypsari çë u kish përpoqur udhëvet.

ZOTI XHUSEP ANDREA GUALANONI (1874 - 1901)

U le ndë vitin 1839 ka Sallvaturi e Marianxhulla Tarsia. Ndë vitin 1863 qe i bën prift e kur vdiq prifti Noçiti, Bonxinjuri Pjetër Çilendi e ëmroi prift i qishës së Shën Pjetrit.

ZOTI FARDINAND GUALANONI (1901 - 1927)

U le ndë vitin 1843 e qe i mbsuar ka i vullau i t' jatit avv. D.Gustini. Ndë vitin 1866 qe i ëmruar prift e dy vit pas vate Napul. Këtu përmirësoi studhimet e përtej të ushtronei mjeshtrin e tij fetare e shomi edhe çë jipet me redacjonën e disa xhornele e me botimin e disa llivre të tij.

ZOTI FRANGJISK GULLI (1928 - 1952)

U le Spixanë ndë vitin 1886 e bëri suldatin ndë vitin 1908. Ndë vitin 1911 thot meshën Spixanë për të parën herë e pas vete rri Rrusan ku studhjarën sa të bëhet dhaskal (1912). Ndë vitin 1915 qe i bën Arçprift i Horës (Terranova). Kur zu e para guerr muar pjesë si sarxhend sanitar e ndë vitin 1917 i vullau Sallvaturi vdes te guerra. Te motet më të mira, kur katundi ish' e rritej, hapu Kasën Rrurall e Spixanës (1919). Ndë vitin 1951 pat meritimin të bin' e bëhej Sanduar qisha e Shën Mëris së Graxjes. Ndë vitin1959 mbonxinjuri Rico e ëmron prift i stacjonës së Spixanës ku mbet njera vitin 1969. Ndë vitin 1983 vdes e hirat e tij qien të vuna te kambsandi i katundit.

Hipu